Юй къанатлыланы этинден иги кесек чыгъарылгъанды

Шимал-Кавказны статистика управлениясындан билдиргенлерича, былтыр Къабарты-Малкъарда эл мюлк организацияла, энчи фермер мюлкле эм энчи иелиле юй къанатлыланы  этинден союлмагъан ауурлукъда  44,7 минг тонна чакълы   сатхандыла. Ол буруннгу жы бла тенглешдиргенде, 13 процентге кёпдю. 

Сагъынылгъан продукцияны иги кесеги  Чегем,  Урван, Прохладна эм Терк районлагъа жетеди. Алада   35,7,  15,5 12,6 эм  2,8 процент ёсюм эсленеди.

Эсге сала айтсакъ, бюгюнлюкде республикада  юй къанатлыны этинден эм кёп  Прохладна район чыгъарады. Мында уруннган эл мюлк организацияла сагъынылгъан кезиуде 25,3 минг тонна чакълы продукция чыгъаргъандыла. Ол сатылгъан этни жартысындан асламды, тюзюн айтханда,   56 процентни тутады.