Лицейде – вузну информациялы классы

   Кёп болмай «Информатики XXI века» деген усталыкъ сайлау эм билим бериу проектгекёре, Къабарты-Малкъар къырал университет бла 2-чи номерли лицей арада байламлыкъла жюрютюрге деп келишим этгендиле. Аны чеклеринде мектепде вузну информациялы классы да ачылгъанды.
   Келишимге КъМКъУ-ну вузгъа киргинчиюйретиу эмда къошакъ халда профессионал билим бериу жаны бла проректору Артур Кажаров бла лицейни таматасы Борис Мальбахов къол салгъандыла. Бу ишге КъМР-ни жарыкъландырыу, илму эм жаш тёлюню ишлери жаны бла министр Ауес Кумыков, Информатика бла регион управленияны проблемалары жаны бла институтну таматасы Залимхан Нагоев, республиканы билим бериу департаментини таматасы Эдуард Вороков, ITV-GRUOP холдингни таматасы Мамучуланы Рамазан, гитче школ академияны таматасы Артур Насипов, КъМКъУ-ну Информатика, электроника эм робототехника институтуну таматасы Наталья Черкесова эм башхала къатышхандыла.
   Информация -технологиялы классны магъанасыны юсюнден айта, Ауес Кумыков, бюгюнлюкде, компьютер эм интернет-технологияла бла ишлерча жангы, качестволу  билим эмда сынам алыргъа кереклисин белгилегенди. Ансыз школчула, ишлей тургъан специалистле да болалмазлыкъларын, бусагъатда компьютер хайырланмагъан  хазна бёлюм къалмагъанын да айтханды. Башха къонакъла да, бу сёзлеге къошула, бюгюнлюкде  программист усталыкъгъа сурам уллу болгъанын чертгендиле.