Келир заманнга къарай

Республикалы  перинатал арада бу кюнледе сейирлик иш болгъанды. Къабарты-Малкъарда «Литературная газета Кабардино-Балкарии» деген  жангы газет чыгъып башлагъанды. Аны биринчи номерин а КъМР-ни Жазыучуларыны союзуну председателини орунбасары Лариса  Маремкулова  перинатал арагъа элтип, ол кюн ол сагъатда туугъан  балаланы аналарына саугъагъа бергенди. Алай бла Россейни Жазыучуларыны правленини союзуну  жууаплы секретары  Николай Ивановну муратын толтургъанды.

Газетни биринчи номеринде  басмаланнган алгъышлау письмосунда жууаплы секретарь жангы газетни биринчи номерин ол кюн ол сагъатда туугъан балачыкъланы аналарына берирге эмда ала  биринчи окъуучулары боллукъларына ышаннганын айтханды.

Алай бла,  газетни биринчи окъуучулары: къызчыкъ тапхан Карина Туниева, жашчыгъы бла Къаракетланы Алина, дагъыда къызчыгъы бла Анастасия Снежко  болгъандыла.

«Литературная газета Къабардино-Балкарии» изданияны  жангы туугъанлагъа бериу, келир заманда алада сёзге сюймекликни  къозгъаргъа боллугъуна ышандырады. Бу ишни Россейни Халкъларыны бирлигини жылында бардырылгъаны уа бютюнда магъаналыды.