Тутмакъланы къайгъыларын кёрюп

КъМР-ни Муслийманларыны дин управлениясында Аманлыкъчыланы терсликлерине жолукъдуруу федерал службаны КъМР-де Управлениясыны динле аралы ишчи къауумну жыйылыуу болгъанды. Анга тюзетиу ведомствону башчысыны орунбасары Николай Никитин, УФСИН-ни башчысыны дин тутханла бла ишни къурау жаны бла болушлукъчусу Мурат Хаджиев, республиканы муфтийини орунбасары, къадий Мисирланы Хызыр къатышхандыла.

Сёз тутулуп тургъанланы, терсленнгенлени адеп-къылыкъгъа юйретиуню, аланы «РФ-де пробацияны юсюнден» федерал законну чеклеринде  жамауат жашаугъа сингдириуню юслеринден баргъанды. Дагъыда тюрмеден эркин болургъа хазырланыуну, андан чыкъгъандан сора аманлыкъдан сакъланырча этиуню  соруулары сюзюлгендиле. 

Николай Никитин билдиргенича, тутулуп тургъанланы юйретиу ишни игилендирир мурат бла 1-чи эм 3-чю колонияланы таматаларыны дин тутханла бла байламлыкъла жаны бла болушлукъчуларыны къуллукълары кийирилгендиле. 
Кенгешни ахырында байламлыкъланы кючлеу, жууапха тартылгъанла эркин болгъандан сора жамауат жашаугъа къайтарыу ишни игилендирирге келишгендиле.