Эт, сют да асламдыла

Шимал-Кавказны статистика управлениясындан билдиргенлерича, былтыр Къабарты-Малкъарда эл мюлклени барында да 126,7 миллиард сом багъасы продукция сатылгъанды. Ол буруннгу жылдан 3,7 процентге кёпдю. 

Сагъынылгъан кезиуде тууар эмда юй къанатлы этден 157,3 минг тонна сатылгъанды – 1,7 процентге аслам. Сютню юсюнден айтханда да, 620 минг тонна сауулгъанды. Ол да башха кезиуледен 0,1 процентге мажалды. Жумуртхаладан да 266.8 миллиону алыннганды, мында да 0,2 процент ёсюм эсленеди. 

Саулай алып айтханда, мюлклени барында да юй къанатлыланы саны 5 миллион чакълы барды – буруннгу жылдан 16,3 процентге кёпдю.