Устазлагъа - къошакъ тёлеулеБылтыр сентябрьден башлап "Аш-суу жаны бла къоркъуусузлукъну жалчытыу" миллет проектни "Агропромышленный комплексде кадрла" федерал программасына кёре, Бахсан районну Кишпек элини мектебинде агротехнология класс ишин жетишимли бардырады. Мында 7-10 –чи классланы келечилери жерчилик жаны бла билимлерин ёсдюрюрча аламат онгла къуралгъандыла. Ол санда химиядан, биологиядан, физикадан эм математикадан теренирек окъутурча мадар этилгенди. Устазла уллу ауурлукъ бла ишлегенлери себепли, айлыкъларына къошакъ халда отузушар минг сом тёленирикди. Саулай алып айтханда, бюгюнлюкде республикада быллай класслары болгъан тёрт школ барды. Алада 18 устаз урунадыла. Аланы сагъынылгъан тёлеу бла жалчытырча федерал эм республикалы бюджетледен 2,1 миллион сом бёлюннгенди. Андан сора да, инвесторланы жанындан да къошумчулукъ этилликди.
Поделиться:
Читать также:
06.03.2026 - 09:00 →
Устазны къыйын жолу
04.03.2026 - 11:06 →
Къууанчлы халда ачылгъанды
02.03.2026 - 13:15 →
«Жашауум устазлыкъгъа келтирип къойгъанды»
28.02.2026 - 10:01 →
«Эринмей окъугъан, усталыгъыны тасхаларына юйреннген къыйналмай жашарыкъды»
| ||
