Электрон амалла къыйматлыдыла

Цифра амалла айныгъанлары бла къырал жумушланы тамамлау, ол санда уа Тепдирилмеген мюлкю бир къырал тизмесинден (ЕГРН) къагъытны алыу да тынчыракъ болгъанды. Роскадастрны регионда бёлюмюнде электрон амалланы ахшы жанларыны юсюнден айтхандыла. Алай бла:

- электрон амал заманны бла къарыуну аяйды, электрон къагъытны талай минутну ичинде энчи кабинетни юсю бла, бёлюмледе кезиуню сакъламай, талай минутну ичинде алыргъа жарарыкъды;

- электрон выпискала аланы къагъыт тюрлюлеринден учузуракъдыла, тепдирилмеген мюлкню иеси аны къолунда болгъан затха онлайн-выписканы арталлыда хакъсыз алаллыкъды;

 - электрон мухур салыннган документни юридический жаны бла кючю къагъытдачады, аны бла бирге ол жалгъан болмагъанына Росреестрни сайтыны «Электрон документни тинтиу» бёлюмюнде къараргъа жарарыкъды;

- электрон выписканы салырча жер излерге керек тюйюлдю, аны тас этерге неда унутургъа онг да хазна чыгъар. Аны башха-башха къырал учреждениялагъа, банклагъа, сюдлеге, страховой компаниялагъа эм башха жерлеге бир жолгъа жиберирге жарагъаны официал информацияны аны юсю бла бериуню бла алыуну да тынч этеди.

Документлерин электрон халда жангыз инсанла угъай, организацияла да алаллыкъдыла. Аны ючюн тилекни къырал жумушланы порталыны неда Росреестрни официал сайтыны (rosreestr.gov.ru) юсю бла жиберирге боллукъду. Анда заявканы толтурургъа, жумушну багъасын тёлерге эмда PDF халда документни алыргъа керекди. 

Эсгертиу: электрон халда алынып,  артда къагъытха тюшюрюлген документ, копия болуп, юридический кючюн тас этеди. Аны бла юридический жумушлада хайырланыр ючюн,  электрон файлны кесин кёргюзтюрге керекди. Аны къагъытха тюшюрюрге керекди. Аны МФЦ-да тамамларгъа боллукъду, анда органны мухуру да салынырыкъды. Бу жумушну МФЦ-да тамамлагъанда, инсанны паспортун бла электрон заявленияны номерин сорлукъдула.