Халатланы тюзетиу бла кюреширикдиле

«Локомотивге» быйылны биринчи эришиулерини – «Casablanka African Open 2026» - эсеплери чыгъарылгъандыла, анга 48 къыралдан 380-ден аслам спортчу къатышхан эдиле.

Даражалы халкъла аралы эришиуге къыралыбызны атындан республикабызны эки келечиси – Кантемир Замбатов (66 кг.) бла Байсыланы Таулан (81кг.) – къатышхандыла. Ала экиси да, кючлю дзюдочула бла тутуша, усталыкъларын, итиниулюклерин да кёргюзтгендиле. Кантемир, Эстонияны, Мароккону да келечилерин хорлап, финалдан тёртден бирине дери жетгенди, жапсарыу тюбешиуде да къаршчы спортчудан къарыулу болгъанды, алай эсе да, доммакъ майдалдан бир атламда къалгъанды. Таулан финалны тёртден бирине дери Анголадан бла Нигерден гёжефлени къытханды, алай ол да хорламны алалмагъанды.

Дзюдочуларыбыз республикагъа къайтханларындан сора халатла бла иш башланырыкъды, тренерле жарауланы бу шартланы эсге алып бардырлыкъдыла, деп билдиредиле Спорт министерстводан.