Фатарны башха регионда алгъан эсегиз…

Тепдирилмеген мюлкню къыралны башха регионлада алгъанла аны «экстерриториальный» халда эсепге салыргъа боллукъдула. Аны хайыры бла иелеге къагъытланы кеслери къайсы субъектде жашагъанларына эмда мюлк къайда алынганына къарамай, Россейни къайсы регионунда да жыйышдыраллыкъдыла. Аллай онг инсанлагъа 2017 жылда бюрократия чурумланы азайтыр, мюлкню эсеплеу жаны бла жумушланы женгиллендирир мурат бла берилгенди.

Юлгюге, республикабызны инсаны Краснодарда фатар алыргъа сюеди, алай бир тюрлю сылтау бла ары барыргъа амалы жокъду. Законнга тийишлиликде ол бу жумушну Роскадастрны регионда бёлюмюнде неда МФЦ-да толтураллыкъды. Заявление инсан тургъан жерде алынса да, эсеплеу жумушла барысы да мюлк алыннган регионда тамамланырыкъдыла. Алай болгъанлыкъгъа, инсан хазыр документлени болжалдан кеч къалмай къолуна аллыкъды.  

Эсгертиу: бу халда Роскадастр заявленияны хакъсыз алады, алай эсеплеу ишлени тамамлаугъа къырал пошлинаны тёлерге керек боллукъду.