Тиширыу консультациялагъа - жангы оборудование

Кёп болмай "Юйюр"  миллет проектге кирген  "Аналыкъ бла сабийликни сакълау"  федерал проектге кёре Къабарты-Малкъарны тиширыулагъа консультация бардыргъан араларына   эксперт класслы беш УЗИ, саусузну халине  мониторинг бардыргъан, ингаляциялы анестезия, къанны басымын ёнчелеген  аппаратла,   электрохирургия системала,  электрон термометрле,  медицина базманла,  санитар-гигиена устройствола, мебель эм башха керек затла да алыннгандыла. 

Жангы  оборудование  Каменномостское, Дыгулыбгей эм Нартан эллени  амбулторияларына тапдырылып,  акушер-гинекологла  хайырланырча болгъанды.

Аны бла бирге жууукъ заманда Къашхатау бла Анзорей элледе тиширыу консультацияланы терк ишленнген модуль тюрлюлери битселе, аланы  да    тийишли оборудование бла жалчытырча мадар этилликди.
Сагъынылгъан  проектни  магъанасы эл жерледе жашагъан тиширыулагъа  тийишли медицина болушлукъ берилирча  эм аны бла саулукъларын  игилендирирча  онгла къураргъады.