Жангы жылгъа – илляула, кийимле, телефонла да

«Муратланы назы тереги» битеуроссей жандауурлукъ акциягъа Курортла эм туризм министерство да къатышханды. Республиканы башха-башха районларындан сабийлени муратлары жазылгъан къагъытланы ведомствону башчысы Аскер Бифов алгъанды.

Алай бла Ново-Полтавское элден тогъузжыллыкъ Артемий пульт бла баргъан машина къоллу болгъанды, нальчикчи Ратмирге – самокат, Екатериноградская станицадан Ольгагъа уа оюн приставка жиберилгендиле. Эки къарындашны Марк бла Богданны уа министр ала сюйген спортлары – футбол ойнарча кийимле бла - къууандыргъанды. Мухамед бла Адам балансир-жолчукъ эмда конструктор лего бла заманларын зауукълу ётдюрлюкдюле. Салимге – телефон, Сулейманнга уа «Детский мир» тюкенден сюйгенин алырча сертификат берилгендиле.