Алгъышлау

Къабарты-Малкъар Республиканы Башчысы К.В. Коковну Россей басманы кюню бла
АЛГЪЫШЛАУУ

Къабарты-Малкъар Республиканы асламлы басма органларыны хурметли ишчилери бла ветеранлары! Битеу жюрегимден сизни Россей басманы кюню бла алгъышлайма!

Журналист усталыкъ жамауат арасында не заманда да сыйлы, сейир эмда сурамлы болгъанды. Къабарты-Малкъарны басма органларында чыгъармачылыкъгъа берилген, уллу кёллюлюк этмеген, ишлерин жюреклери бла сюйген адамла ишлейдиле. Ала къайсы заманда да жерлерин тапхан болумланы арасына мычымай жетедиле, аланы халкъгъа терк билдирирге излейдиле, адамланы къайгъылары бла жашайдыла. Аны бла бирге ала журналист этиканы баш жорукъларына кертиликлерин сакълайдыла – тюзлюкге, керти шартланы билдириуге, теркликге эм магъаналылыкъгъа. СМИ-лерибизни жарыкъландырыу эмда юйретиу ишлерин белгилерчады, аланы жамауатда ырахат халланы къуралыуларына, халкъыбызны бирлигин кючлеуге къошхан юлюшлерин да чертип айтырчады. Аланы энчи аскер операцияны, анга къатышхан жигитлени жашауларыны, республикада аскерчилерибизни юйюрлерине себеплик жумушланы бардырылыуларыны юслеринден ишлери да энчи къыйматлыды.

Сизни профессионаллыгъыгъыз, журналист борчха кертилигигиз эм кесигизни аямагъанлай кюрешгенигиз ючюн ыспас этеме. Мындан арысында да ёз Къабарты-Малкъарны бла Ата журтубузну игиликлерине деп кесигизни магъаналы эмда огъурлу ишигизни сый-намыс бла толтурлугъугъузгъа ишексизме.

Битеу жюрегимден сизге саулукъ-эсенлик, чыгъармачылыкъ илхам, жетишимле тежейме.