Санаторийледе хакъ тёлемей кимле солургъа боллукъдула?

Къабарты-Малкъарда МФЦ-дан билдиргенлерине кёре, 178-ФЗ законнга (1999 жылда 17 июльдан) тийишлиликде  санаторийледе хакъсыз солургъа путёвканы ма бу къауумлагъа киргенле алыргъа боллукъдула:

- урушну сакъатлары;

- Уллу Ата журт урушха къатышханла;

- аскер къазауатланы ветеранлары;

- 1941 жылда 22 июньдан башлап 1945 жылда 3 сентябрьге дери кезиуде эм азындан алты айны аскерде угъай, андан тышында аскер бёлюмледе, учреждениялада эмда аскер-окъуу жерледе къуллукъ этгенле, аны ючюн СССР-ни орденлери неда майдаллары бла саугъаланнганла;

- «Блокада Ленинградда жашагъан» белги, «Къуршоуланнган Севастопольну инсаны» белги, «Къуршоуланнган Сталинградны инсаны» белги бла саугъаланнган инсанла;

- Уллу Ата журт урушну кезиуюнде кёкден келген къоркъууладан къутхаргъан объектледе уруннганла, тылда къоруулау мекямланы, аскер-тенгиз базаланы, аэродромланы эмда башха аскер мекямланы къурулушларына къатышханла;

- Уллу Ата журт урушха эмда аскер къазауатлагъа къатышып,  сакъат болуп, артда ауушханланы юйдегилери, аскер къазауатлагъа къатышханланы юйдегилери, Ленинградда больницалада бла госпитальлада ишлеп, артда ауушханланы юйдегилери;

- сакъатла;

- сакъат сабийле;

- Чернобыльде АЭС-де авариядан сора эмда Семипалатинскде ядерный сынауладан сора радиацияны хатасын сынагъанла.