Владимир Путин фронтда болгъан аскерчилени алгъышлагъанды

Владимир Путин фронтда болгъан аскерчилеге алгъыш сёзюн айтханды. Аны юсюнден Къабарты-Малкъарны Башчысы Казбек Коков кесини телеграм-каналында билдиргенди.

«Сёзсюз, Россей Федерацияны аскерини арт кезиуледе жетишими бизни солдатларыбызны бла офицерлерибизни хайырынданды, Донбассны жерин эркин эте, ала кеслерин аямай, кюн сайын кишиликлерин, жигитликлерин кёргюзтедиле.

 Аскерчилерибизге тюзюнлей былай айтыргъа сюеме: хурметли жолдашла, сиз, сёзсюз, Ата журтха, къыралыбызгъа къуллукъ этиуню кертичилигин кёргюзтесиз. Аллыгъызда тургъан борчланы толтурур эмда деменгили Россейни тынчлыгъы ючюн къазауат этип кюрешесиз.

Ата журтха арсарсыз къуллукъ этгенигиз ючюн ыразылыгъымы билдиреме, келе тургъан Жангы жыл бла алгъышлайма», - деп айтылады билдириуде.