Хайырлы ушакъла

2 января, 2026 - 11:57

Россейни МЧС-ини 35-жыллыгъын белгилеуню аллында ведомствону регионда Баш управлениясы «35 огъурлу иш» деген акцияны бардырады. Бу жол къутхарыучула кёп сабийли эмда къыйын жашау болумгъа тюшген 35 юйюрге тютюн чыкъгъаныны юсюнден таууш этип билдирген аппаратланы саугъалагъандыла.

Управленияда белгилегенлерича, бюгюнлюкде  от тюшюуню палахларындан адамланы сакълауда ала уллу магъананы тутадыла. Бир жерден тютюн чыгъып башлагъанлай окъуна, таууш этип, зат жаннганына эс бурдуртадыла. Аллай аппаратны салыр ючюн къабыргъаны неда бир башха жерни бузаргъа, тешерге керек тюйюлдю, скотч бла жабышдырылып къаладыла. Жангызда жылгъа бир кере батарейкаларын алышдыра турургъа тийишлиди. 

Хабибуллахланы Зульфия.
  • 6 просмотров
Поделиться: