Майдалларын ата-аналарына бергендиле

Тюнене Басхан районну администрациясыны башчысыны къуллугъун толтургъан Адиб Абрегов энчи аскер операцияда жан берген жигитлени жууукълары бла тюбешгенди эмда алагъа къырал эм ведомстволу саугъаларын бергенди.

Тюнене Басхан районну администрациясыны башчысыны къуллугъун толтургъан Адиб Абрегов энчи аскер операцияда жан берген жигитлени жууукълары бла тюбешгенди эмда алагъа къырал эм ведомстволу саугъаларын бергенди.

РФ-ни Президентини Указы бла Кишиликни орденине Аслан Тенгизов бла Амур Машитлов тийишли болгъандыла. Жуковну майдалы бла Ратмир Апшев, Мурат Малухов, Рустам Дугулубгов белгиленнгендиле. Жигитликни майдалына Аслан Карацуков бла Азамат Кочесоков тийишли болгъандыла. Эдуард Жилясов а Суворовну майдалы бла саугъаланнганды. Сыйлы саугъала аланы аталарына бла аналарына берилгендиле.
Тюбешиуде сёлеше, Адиб Абрегов алагъа къайгъы сёз берип, жашлары чынтты жигитлеча сермеше, жан бергенлерин белгилегенди. 
- Жерлешлерибиз Ата журтларын къоруулай, кеслерин аямагъанларын биз барыбыз да бир заманда да унутурукъ тюйюлбюз. Сизге уа Аллах тёзюм бла сабырлыкъ берсин, - дегенди Адиб Хасанбиевич.