Къарындашланы жетишимлери

8 января, 2026 - 10:03

Къабарты-Малкъар къырал университетни физкультура-спорт арасында каратени бир тюрлюсюнден республиканы биринчилиги ётгенди. Анга республиканы жер-жерлеринден алты жылдан абадан спортчула къатышхандыла. Алтын эм кюмюш майдалланы алгъанлагъа Россейни биринчилигинде сермеширге эркинлик берилгенди. 

Эришгенлени араларында Малкъондуланы Эльдар бла Имран да болгъандыла. Ала алчы жерлеге чыкъгъандыла. Эльдар, 9-10-жыллыкъланы къауумунда юч тюбешиу бардырып, биринчи болгъанды. Имран а 12-14-жыллыкъланы араларында «кюмюшню» алгъанды. Энди къарындашла кеслерин къырал даражада сынарыкъдыла. Аланы тренерле Казбек Майрамуков бла Аслан Шогенов юйретедиле.

 

Хабибуллахланы Зульфия.
  • 9 просмотров
Поделиться: