«Бабугентде» – аслам майдалла

«Къашхатау» физкультура-саулукъну кючлеу арада, Нальчикде 2005 жылны 13-14 октябринде болгъан бушуулу ишлеге аталып, аскер къол тюйюшден эришиу бардырылгъанды. Черек районда тёрели халда бардырылгъан даражалы турнирге 200-ден аслам гёжеф келгендиле.

Къызыу кюрешде «Бабугент» спорт араны келечилери быллай эсепле болдургъандыла: алтын майдалланы Асанланы Амирхан, Имран Саидов, Баккуланы Саид алгъандыла. Экинчи жерлеге Каркаланы Аллахберди, Бёзюланы Ибрагим, Заниколаны Мухаммед-Али, Таукенланы Айдар чыкъгъандыла. Бёзюланы Мухаммат, Алибек бла Султан, Таукенланы Аллахберди бла Таулан, Жеккеланы Рашит ючюнчюле болгъандыла. 

Жашланы Къабарты-Малкъарны физкультурасыны бла спортуну сыйлы къуллукъчусу, бийик категориялы тренер Герийланы Хусейн бла къол тюйюшден Россейни спортуну устасы Герийланы Руслан хазырлагъандыла.