Сабанчылагъа къышда, жайда да солуу жокъду

Бизни республикада быйылны тирлик жыйыу кезиую толусунлай бошалгъанды  дерге боллукъду. Регионну Эл мюлк министерствосундан билдиргенлерине кёре, бу иш тынгылы, чурумсуз, кеси да болжалындан чыкъмай тындырылгъанды. Тирлик битеу да 280 минг гектардан жыйылгъанды. Ол алгъын жылланы орта кёрюмдюлеринден артыкъ башха болмагъанды. Энди уа эллиле эсепле чыгъара турадыла.

Жазлыкъланы кезиую бошалгъанлыкъгъа, кюзлюкле энди ачыкъланып башлагъандыла. «Россельхозараны» регионда бёлюмюн келечилери сабанлада тинтиуле бардырадыла, будай, рапс да къалай ёсгенлерине кёз жетдиредиле. Бу кюнледе ала тёрт мингден артыкъ гектаргъа къарап чыкъгъандыла.

Специалистле айтханнга кёре, жылы, туманлы кюнле, топуракъны да мылылыгъы битимлени айныгъанларына себеплик этгендиле. Будай, рапс да тамырланнгандыла, чапыракъ этип башлагъандыла. Сабанлада къурт-къумурсха, гылыу, чычхан деген бек азды, ауруула да хазна жокъдула.