Къайгъыланы чачыу огъесе саулукъгъамы заран?

Республиканы клиника больницасы телеграмында саулукъгъа хайырлы эсгертиулени дайым этгенлей турады. Бу жол анда ичги инсанны психикасын къалай бузгъаныны юсюнден айтылгъанды.

Белгиленнгенича, ичги тынчайыргъа, ауур сагъышланы чачхан амал тюйюлдю, ол угъай, адамны битеулю, ол санда уа психика саулугъунда кёп аурууланы сылтауу болуп чыгъады. Аны ючюн аракъыны, кеф этдирген сууланы хайырланмазгъа кюрешигиз. Тынчайыр ючюн а башха амалланы сайларгъа боллукъду, сёз ючюн, жарау этигиз, чыгъармачылыкъ бла кюрешигиз, таза хауада жюрюгюз. Болушлукъ этиу службаланы номерлери телефонугъузда болсунла.

Эс буругъуз, женгил эйфорияны биринчи ышаны къууанчлы сезимле тюйюлдюле, нерва системаны ишлеуюн бузууду. Хау, кертиси бла да, инсан алгъа кесин женгил сезеди, тёгерегинде адамла бла ушакъны терк башлайды, таукел, жарыкъ болады. Бир кесекден а ол мыйыда клеткаланы бла нерваланы ёлтюрюп тебирейди, ичгичи бош затдан ачыуланып, чамланып тебирейди. Аны ючюн не къыйын чакъда да ичгиден артха туругъуз, ол ачыудан къутултурукъ амал болмагъанын унутмагъыз.