Артха сёлеширге керекмиди?

Бир-бирде биреу сёлешип, алай сизге телефонугъузну алдыралмагъанды дегенча билдириуле келедиле. Бир жанындан ала артыкъ сагъайтмайдыла. Алай эсе да, сакъ болургъа керекди, нек дегенде быллай билдириулени аманлыкъчыла да жиберирге боллукъдула.

Артха сёлешгенлей, робот аберини неда бир-тюрлю жумушну сатыуну юсюнден айтып тебирейди, былайда инсан жангызда заманын тас этеди. Бирде уа робот: «Къоркъуусузлукъну жалчытыр муратда битеу сёлешиуле жазылгъан этедиле», - дейди. Аны эшитгенлей инсан, анга бир уллу биригиуден неда организациядан сёлешген сунуп, телефонну оператор алырын сакъларгъа боллукъду. Алай сёлешгенле аманлыкъчыла эселе, сиз телефонну салмай не къадар кёп турсагъыз, алагъа аллай бирге хайырлыды – хар такъыйкъа ючюн сизден алагъа ахча кёчерикди. Къаллай бирге кёп турсагъыз сакълап, аллай бирге ахчагъызны да тас этериксиз.

Аны ючюн танымагъан номерге артха сёлеширден алгъа сагъыш этигиз, сизни излеген адам бир кесекден жангыдан кеси сёлеширге да болур. Белгисиз номерлеге хар заманда ишекли болугъуз.