Къырал экзаменлеге тийишли хазырланырчаКёп болмай Нальчик шахар округну администрациясында къырал эсеплеу аттестациягъа (ГИА) хазырланыуну юсюнден тюбешиу болгъанды. Анга 9-чу, 11-чи класслада окъугъанланы аталары бла аналары эм мектеплени таматалары къатышхандыла, деп билдириледи мэрияны пресс-службасындан. Жыйылыуну ача, билим бериу департаментни таматасыны къуллугъун толтургъан Фатимат Оганезова быллай магъаналы тюбешиуле жыл сайын ётгенлерин школчуланы, билимлеринден сора, психология болумларына да эс бурулургъа кереклисин белгилегенди. Аттестацияны регламентини юсюнден, экзаменле къайсы кюнде башланырыкъларын, аттестат къолгъа къачан бериллигин да билдиргенди. Ата-аналаны сорууларына жууап бере, экзаменлени кезиуюнде телефонну, фотоаппаратны, видеокамераны, диктофонну, шпаргалкаланы хайырланыргъа эркин этилмегенин, бир жерден башхасына кёчерге эм ушакъ этерге жарамагъанын да эсге салгъанды. Былтыр аллай бузукъла ючюн онбеш адам аудиториядан къысталгъанларын, дагъыда сегизеуленни уа ишлери тергелмей къалгъанларын да айтханды.
Поделиться:
Читать также:
24.04.2024 - 08:30 →
Районну атын иги бла айтдырадыла
23.04.2024 - 17:24 →
Патриот сезимлени айныта
18.04.2024 - 09:00 →
Ана тилни айнытыу амалланы сюзгендиле
18.04.2024 - 08:38 →
Чынтты предпринимательле болурча
12.04.2024 - 16:12 →
Саулукълу болуугъа итиниу бла
|