УФСБ: Жалгъан шартла кийиргендиле

 Экономикада аманлыкълагъа къажау излеу-тинтиу жумушла бардыргъан кезиуде РФ-ни ФСБ-сыны КъМР-де Управлениясыны къуллукъчулары, республиканы полициячылары бла бирге Чегем муниципал районда «А.Хацуков атлы ара район больница» къырал бюджет учрежденияны тёрт  келечисини аманлыкъчы ишлерин тохтатхандыла.

 - 2019 жылдан 2023 жылгъа дери кезиуде айлыкъны тизмесине жалгъан шартла кийирип, ала 22,5 миллион сом урлагъандыла, - деп билдиргендиле бизге УФСБ-ны пресс-службасындан.

Чегем районну сюдю   М.Р. Берова бла Л.А. Алоева РФ-ни УК-сыны 159-чу статьясыны 4-чю кесегине, 292-чи статьясыны 1-чи кесегине бузукълукъла этгенлерин тохташдырып, аланы эркинликлерин юч жылгъа сыйырыргъа, аны условно халда толтурургъа деген оноуну чыгъаргъанды.

 И.М. Пшунокова эм М.И.  Долатова РФ-ни УК-сыны 33-чю статьясыны 5-чи кесегине эм 159-чу статьясыны 4-чю кесегине бузукълукъла этгенлери тохташдырылгъанды. Сюд аланы эркинликлерин 2 жылгъа бла 6 айгъа сыйырыргъа деген оноуну чыгъаргъанды. Ол условно халда толтуруллукъду. Сюдню оноуу кючюне киргенди.