Тёлеуле тынч болурча

Быйыл жылны башындан бери «Россети Северный Кавказ» – «Каббалкэнерго» биригиуге хайырланнган ток ючюн «Свет Онлайн» приложение бла 47 мингнге жууукъ тёлеу бла 63,5 миллион сом ётдюрюлгенди. Саулай алып айтханда, электрон амал бла 181,1 миллион сом тёленнгенди, деп билдириледи ток бла жалчытхан биригиуню пресс-службасындан.     

Бюгюнлюкде «Свет онлайн» приложенияны иги кесек адам хайырланады. Тёлеулени  GooglePlay – https://play.google.com/ эм AppStore - https://apps.apple.com/ сайтладан алып этерге онг барды.  Приложенияны себеплиги бла комиссиясыз тёлерге, къайсы айда къаллай бир берилгенине квитанция бла шагъырейленирге болады. Быллай амал энергокюч компанияны бла жамауатны арасында байламлыкъны бютюн бек кючлегенин да белгилерчады.

Токну багъасын компанияны https://gp-lc.rossetisk.ru/ сайтында «Энчи кабинетде», «Свет онлайн» приложенияда, адамланы жумушларына къарагъан аралада тёлерге жарайды.

- Мен «Свет онлайн» приложенияны хайырланнганлы эки жылдан артыкъ болады. Ол не жаны бла да хайырлыды. Сёз ючюн, заманынгы тас этип, офисге ток ючюн тёлерге, квитанция алыргъа барыргъа керекмейди. Сервисде этилген операцияла сакъланып турадыла, бир затха ишекли болсанг, къарап билликсе.  IT-специалист болуп ишлегеним себепли сервисни тынчлыгъын эм магъаналыгъын  белгилерге сюеме,- дейди тёлеучюледен бири  Черкесланы Махти. 

«Россети Северный Кавказ» – «Каббалкэнерго» биригиуде айтханларыча, арт заманда промышленный бёлюмге кирмеген абонентлени арасында тёлегенлени санына къошула баргъанына себеплик этген баш амалладан бирлерине жамауат бла тири ишлеу, ангылатыуну бардырыу, жашау журтланы эм башха объектлени иелери   электрон амалны тири хайырланнганла саналадыла. Биригиуню баш борчу абонентлени электрокюч бла сылтаусуз этергеди, аны ючюн тёлеуле да анга кёре толтурулургъа керекдиле.

Эсге сала айтсакъ, кёп заманны тёлемей, борч этип тургъанла игилик бла ангыламасала, аланы жууапха тартыргъа закон  барды. Аллай амаллагъа ишлерин сюдге бериу, токну хайырланалмазгъа чек салыу да киреди. Уллу кёллюлюк этгеннге,  борчундан тышында, тазир да тёлерге тюшерикди. 

Арада бир тюрлю ангылаусузлукъ болмаз ючюн, «Россети Северный Кавказ»-«Каббалкэнерго» биригиуню келечилери токну къаллай бир кюйгенини айны 23-26 кюнлеринден кеч къалмай жиберирге эм тёлеулени уа онунчусуна дери этерге кереклисин эсге саладыла.