Барысын да озгъандыла

Каратени киокусин-кан тюрлюсюнден Нальчикде «Ата журтну къоруулаучулары» деген ат бла эришиу, сора гитче спортчуланы араларында юйрениу-жарау этиу халда сермешле бардырылгъандыла, аланы республиканы Киокусин-кан каратеден федерациясы къурагъанды.

Эришиулеге СКФО-ну битеу регионларындан 200-ден аслам спортчу къатышхандыла, ол  санда республикабыздан – 65 каратечи. Эм ахшы сермешип, битеукоманда эсепде Къабарты-Малкъарны Спорт министерствосуну спортну Олимпиадагъа кирмеген тюрлюлеринден школуну къаууму хорлагъанды. Экинчи жерге – Чечен Республика, ючюнчюге уа Ставрополь край чыкъгъандыла.