УФСБ: Сауутла сатханды

Излеу-тинтиу жумушла бардыргъан кезиуде, Россейни ФСБ-сыны КъМР-де Управлениясыны къуллукъчулары РФ-ни Ич ишле министерствосуну Шимал-Кавказ федерал округда Баш управлениясыны келечилери бла бирге 42-жыллыкъ  М.Г.Гаджиагаевни бузукъчу ишин тыйгъандыла. Ол сауутланы бла алагъа окъланы законсуз сатханына ишеклик барды.

Аманлыкъчыны биргесине Калашников атлы эки автомат, ПМ керох, 270 окъ, гранатомётха топ, граната табылгъандыла.

Эльбрус районну сюдю  М.Г.Гаджиагаев РФ-ни УК-сыны 222-чи статьясыны 5-чи кесегине бузукълукъ этгенин тохташдырып, аны эркинлигин 6 жылгъа бла 6 айгъа сыйырыргъа деген оноуну чыгъаргъанды.