УФСБ: Жалгъан ичгини хазырлагъандыла

Контрафакт продукцияны жайылыууна къажау излеу-тинтиу жумушла бардыргъан кезиуде Россейни ФСБ-сыны КъМР-де Управлениясыны къуллукъчулары КъМР-де МВД-ны полициячылары бла бирге республиканы тёрт инсаны Ч.Х. Пафифовну, М.Т. Хажироковну, А.М. Баговну эм А.А. Тхагапсоевни аманлыкъчы ишлерин тыйгъандыла. Ала законлагъа бузукълукъла этип, ичги затланы жарашдыргъанлары, сатып алгъанлары, асырагъанлары эм ташыгъанлары ючюн терсленедиле.

Тинтиулени кезиуюнде право низамны сакълаучула Нальчикде ичгини жарашдыргъан цехни ачыкълагъандыла. Законсуз сатыу-алыудан спирти болгъан 8 минг ёмкость сыйырылгъанды, аланы юсюнде федерал акциз маркалары болмагъанды.

Бахсанны район сюдю терсленнгенле РФ-ни УК-сыны 171.1-чи статьясыны 6-чы кесегини «а», «б» пунктларына бузукълукъ этгенлерин тохташдыргъанды эмда инсанланы эркинликлерин 2 жылдан 3 жылгъа бла 6 айгъа дери сыйырыргъа, аны условно халда толтурургъа деген оноуну чыгъаргъанды. Ол кючюне киргенди, деп билдиргендиле бизге УФСБ-ны пресс-службасындан.