Отну вёртолёт бла ёчюлтюрге тюшгенди

Чегем районну Звёздный поселогуну тийресинде 2 гектар жерде къургъакъ кырдык кюйгенини юсюнден тюнене от ёчюлтюучюлени дежурныйлерини телефонуна билдириу келгенди. Тохташдырылгъаннга кёре, эки кюнню ичинде ол тийреде от тюшюуден чыкъгъан букъу тёгерекдеги элледе жашагъанланы къайгъы этдирип тургъанды. Сора ары Нальчикни агъач мюлкюнден экеулен келип, болумгъа контроль эте, алайда сау кечени ётдюргендиле. Тийреде социал магъаналы объектле эм жашау журтла болмагъанлары себепли, адам ачырына бла къоранч тюшерине къоркъуу жокъ эди.

Сау кечени жаннган къургъакъ кырдыкны бюгюн, вертолётну хайырлана, ёчюлтгендиле.

  РФ-ни МЧС-ини КъМР-де Баш управлениясыны пресс-службасы билдиргеннге кёре, озгъан ыйыкъда республикада 17 от тюшюу болгъанды, адам ачымагъанды.