Казбек Коков республиканы федерал налог службасында ишлегенлени байрам бла алгъышлагъанды

21 ноябрьде  Россей Федерацияны налог органларында ишленлени кюню белгиленеди. Аны бла байламлы КъМР-ни Башчысы Казбек Коков Къабарты-Малкъар Республиканы федерал налог службасында къуллукъ этгенлени бла аны ветеранларын профессионал байрамлары  бла алгъышлагъанды.

«Барыгъызны да Россейни  налог органлары къуралгъанлы 35-жыллыгъы эмда профессионал байрамыгъыз бла жюрегимлен къызыу алгъышлайма!

Озгъан жылланы ичинде Россейни федерал налог службасы магъаналы эмда къыйматлы къурамгъа айланнганды. Ол налогла бла байламлы къырал политиканы налогланы бла сборланы юслеринден законодательство къалай толтурулгъанына контрольну бардыргъан баш магъаналы кюч болгъанды.

Къыралны казнасыны эмда регионланы бюджетлерини файдалары, къыйматлы проектлени бла социал программаланы бардырыу, республикагъа инвестицияла келирча этиу, предпринимательликге тап онгла къурау – битеу ала сизни усталыгъыгъызгъа, аны эбине жетгенигизге, анга кертичилей къалгъаныгъызгъа кёре да болгъанлары баямды.

Сиз боюнугъузгъа салыннган борчланы бет жарыкълы толтурасыз, шёндюгю амалланы эмда бек иги сынауланы  хайырланасыз.  Ол а ишигизни къыйматын кётюрюрге, регион эмда жер-жерли бюджетлени  байыкъландырыугъа, инсанланы эмда бизнес бла кюрешгенлени жумушларын бютюн тынгылы толтурургъа себеплик этеди.

Ишигизге жууаплы кёзден къарагъаныгъыз, аны келишиулюкде бардыргъаныгъыз эмда Къабарты-Малкъарны айныууна бла аны халкъыны къолайлыгъын игилендириуге уллу къыйын салгъаныгъыз ючюн да жюрек ыразылыгъымы билдиреме. Барыгъызгъа да кийик саулукъ тежей! Ата журтубузгъа хайырлы къуллугъугъузда мындан ары да уллу жетишимле болдуруругъузну сюйгеними билдиреме! Бар игиликле да сизни болсунла!»,- деп айтылады Казбек Коковну алгъышлау сёзюнде.