УФСБ: Сатхыч тутулгъанды

Россейни ФСБ-сыны КъМР-де Управлениясыны къуллукъчулары Къабарты-Малкъарны 34-жыллыкъ инсанын тутхандыла.  Ол тыш къыралгъа Россей Федерацияны къоркъуусузлугъуна къажау ишледе болушуп, сатхычлыкъ этгенине ишеклик барды.

Право низамны сакълаучула ишекли Украинада болгъанын шарт тохташдыргъандыла. Анда энчи службала бла байламлыкъла къурап, аланы буйрукълары бла РФ-ге къайтханды эмда Къабарты-Малкъарда жамауат къоркъуулу ишле этерге хазырланнганды.

УФСБ-ны следствие бёлюмю РФ-ни УК-сыны 30-чу статьясыны 1-чи кесегине,  281-чи статьясыны 1-чи кесегине, 222.1-чи статьясыны 1-чи кесегине эм 275-чи статьясына бузукълукъла этилгенлери бла байламлы терслеу материалла ачхандыла.

- Законлагъа тийишлиликде,   быллай аманлыкъ этгенни жашаууну ахырына дери тутмакъда тутаргъа деген оноу чыгъарылыргъа боллукъду,-дегендиле бизге УФСБ-ны пресс-службасындан.