Сегиз шахар орам жангытыллыкъды

15 ноября, 2025 - 08:49

2026 жылда КъМР-да кёп машина жюрюген жоллада ремонт ишле андан ары бардырыллыкъдыла. Ол санда, Нальчикде Тарочокова, Байсултан улу, Карашаев, Руставелли, Пачев, Пушкин, Мазлоев, Калининград  орамланы жолларына башдан-аякъ ремонт этерикдиле. Ремонт этиллик жол участкаланы бирге узунлукълары 11 километрди.

  Бу жылда уа жолланы алтысында, бирге 9 километр узунлугъунда ремонт ишле бардырыладыла. Ол санда Головко, Кешокова, Ногмова, Щорса орамлада башдан-аякъ ремонт ишле ахырына жетдириле турадыла.

Андан сора да, республиканы муниципалитетлерини тогъузусунда жолланы 12 километр узунлугъунда жол-къурулуш ишле бардырыладыла. Объектлени кёбюсюнде ишле ахырына жетдирилгендиле.

Кючмезланы Айза.
  • 21 просмотр
Поделиться: