Сабийлери болгъан юйюрлеге билеклик - магъаналы жумушладан бири

Россейни Къырал Думасыны депутаты Виктория Родина Юйюрлеге эм сабийлеге болушлукъну республикалы арасында болгъанды. Аны стационар бёлюмюнде  къуралгъан  болумланы кёргенди, сабийчикле бла ушакъ  этгенди.

Дагъыда ол «Тиширыуланы арасында эм аламат – къолунда баласы болгъан тиширыуду» акциягъа да къошулгъанды.

Араны башчысы Оксана Темрокова бла бирге депутат сабийден ауругъан тиширыуланы алгъышлагъандыла. Виктория Родина бу кезиуде тиширыуну кёлюн кётюрген артыкъда  магъаналы болгъанын чертгенди.

Виктория Родина араны коллективине билимлери, сынаулары, къыралны юйюрню сейирлерин, тёрели хазнаны сакълау жаны бла политикасын бийик даражада толтургъанлары ючюн ыразылыгъын айтханды.

- Сабийлери болгъан юйюрлеге билеклик этиу «Единая Россияны» халкъ программасыны магъаналы жумушларындан бириди.  Партия демография болумну игилендириу жаны бла мадарланы кенгертиуге энчи эс бурады. 2026-2028 жыллагъа къыралны бюджетинде юйюрлеге себепликге 10 триллион сом салынырыгъы белгиленнгени да анга шагъатлыкъ этеди, -дегенди Виктория