Къыйын болумда мычымай болушурча

Бу кюнледе республикабызда Россейни МЧС-ини жер-жерли бёлюмлерини административ иш эмда адамланы тарыгъыулары бла ишлеген келечилерини юйрениулери бардырылгъандыла.

Юйрениулени ачылыууна регионда Баш управленияны башчысыны къуллугъун болжаллы халда толтургъан Эльдар Хашхожев келгенди. Алгъышлау сёзлени уа ведомствону Административ департаментини таматасы Юрий Белявский айтханды.  

Алай бла талай кюнню ичинде министерствону СКФО-да, ЮФО-да, Луганск эм Донецк Халкъ республикалада, Херсон эм Запорожье областьлада бёлюмлерини келечилери административ ишни бютюн тынгылы тамамлауну, адамланы тилеклерин толтурууну амалларын билгендиле. Ара аппаратны ишчилерин а жангы сынам бла шагъырейлендиргендиле. 

Лекцияладан сора къонакъла Миллет музейде болгъандыла, республикабызны миллетлерини тарыхларына, маданиятларына, турмуш энчиликлерине тюшюннгендиле, миллет кийимлени, сауутланы кёргендиле.