Умутландыргъан атламла

17 октября, 2025 - 15:52

Бу кюнледе  Махачкъалада  СКФО-да «Миллетни ёхтемлиги-2025» деген  регионла аралы конкурсну эсеплери чыгъарылгъандыла. Хорлам болдургъанланы араларында  бизни бир эллибиз Жангоразланы Музгитни къызы Нюржан да барды. Ол Нальчикде  сабий чыгъармачылыкъны  «Кюн шахар» академиясыны 11-чи классыны окъуучусуду. Даражалы конкурсну «Акъыллы тёлю» деген бёлюмюнде биринчи жерге тийишли болгъанды.

Нюржан школчуланы араларында экологиядан  битеуроссей олимпиадада хорлагъанды. Ол а аны экинчи хорламгъа кёллендиргенди.

Хунерли къызчыкъ ол жетишимле бла  тохтап къалыргъа айтмайды, ол дайым да алгъа итиннгенлей турады.

 Жангоразланы Нюржан тийишли болгъан саугъа  Россей Федерацияны Президентинде  Миллетле аралы советни, Миллетлени ишлери жаны бла  федерал агентствону себепликлери бла бериледи.

Холаланы Марзият.
  • 19 просмотров
Поделиться: