Алдатыуну тохтатдыла

20 октября, 2025 - 10:13

 КъМР-да ич ишлени министерствосуну Нальчикде Управлениясыны следствие бёлюмю Басхан районда жашагъан 26-жыллыкъ тиширыугъа Россейни Уголовный кодексини 159-чу статьясына тийишлиликде ачылгъан уголовный ишни тинтип бошагъанды.

Тохташдырылгъаныча, бу адам 2024 жылны май айында автомобиль сатып алыргъа деп банкдан кредитге заявка бергенди. Эмда айлыкъ хакъыны юсюнден жалгъан къагъытла жарашдырып келтиргенди.

Банк анга 2 миллион сом бергенди. Алгъан ахчасын тиширыу башха кереклерине хайырланып, ёнкючню къайтарыргъа уа ашыкъмагъанды.

Хыйла муратлары ачыкъланмаз ючюн, тиширыу бир ауукъ заманны кердитни процентлерин тёлеп тургъанды, тёрт ай озгъандан сора, банкротха чыгъаргъа къагъытланы жарашдырып башлагъанды.

Бусагъатда аны иши сюдге ашырылгъанды.

Кючмезланы Айза.
  • 10 просмотров
Поделиться: