Борчун тёлер акъылы жокъ эди

 Нальчикде УМВД-ны полициячылары Басхан райондан 26-жыллыкъ къызгъа ачылгъан уголовный ишни тинтип бошагъандыла. Ол РФ-ни УК-сыны 159.1-чи статьясыны 3-чю кесегине бузукълукъ этгенди - кредит алгъанда хыйлачылыкъ.

Тинтиуледен белгили болгъаныча, 2024 жылда майда ол машина алама деген сылтау бла банкга айлыгъыны юсюнден жалгъан шартла бергенди.  Аланы тинтип, банк 2 миллион сомну къабыл кёргенди. Алай тиширыу ахчаны кесини кереклерине къоратханды,  кредитни уа тёлемей къойгъанды.

Тиширыу айтханыча, ол машина алыр эмда кредитни тёлер акъыл да этмегенди. Аны букъдурур ючюн    ал кезиуде  ахчаны бир кесегин тёлеп тургъанды - 107, 1 минг сомну. Ызы бла уа банкротлукъ ишни башлагъанды. 

Уголовный иш къабыл кёрюлюп, сюдню къараууна берилгенди.