Хорламларын жигитлеге жоралагъандыла

15 октября, 2025 - 14:53

Элбрус районда ишчи борчларын толтургъан кезиуде жан берген право низамны сакъалучуланы хурметине каратеден регионла аралы турнир бардырылгъанды.   Анга Къабарты-Малкъардан, Абхазиядан,   Дагъыстандан, РСО-Аланиядан, Къарачай-Черкесден, Ставрополь крайдан 250 жаш спортчу къатышханды.  

Аны къууанчлы халда ачылыууна районну администрациясыны келечилери, право низамны сакъалучула да къатышхандыла. Жыйылгъанла ишчи борчларын толтургъан кезиуде жан берген полициячыланы бир минут шумсуз туруп эсгергендиле.

Эришиуледе алчылагъа майдалла, кубокла эм грамотала берилгендиле.

Тикаланы Фатима хазырлагъанды.
  • 22 просмотра
Поделиться: