«Ол дуниясы жарыкъ болсун»

Россейни, Къабарты-Малкъарны да маданиятына  бу кюнледе уллу бушуу сынаргъа тюшгенди. Къабарты-Малкъар Республиканы халкъ артисти Ефрем Амирамов жашаудан кетгенди. КъМР-ни Башчысы Казбек Коков белгили жырчыны жууукъларына бла ахлуларына къайгъы сёз бергенди.

«Фахмулу жырчы, музыкант, композитор эмда жамауат къуллукъчу Ефрем Амирамов узакъгъа созулгъан ауруудан къыйналып ёлгенди. Ахыр кюнлерин ол кесини гитче ата журтунда – Нальчикде – ётдюргенди. Туугъан шахарын  бек сюйгенди, аны терк-терк жокълагъанды, кесини жырларында, ушакъларында да аны юсюнден сагъынмай къоймагъанды.

Ефрем Григорьевични жууукъларына бла ахлуларына уллу бушуу этгеними билдирип, къайгъы сёз береме. Ол Къабарты-Малкъарны жамауатыны эсинде халал жюрекли, аны таныгъанла бек сюйген шуёхча къаллыкъды.

Ол дуниясы жарыкъ болсун!»,- деп жазгъанды Казбек Коков телеграм-каналында.