«Заман» хар таулу юйюрге огъурлу къонакъ болсун!

ХУРМЕТЛИ ЖАМАУАТ!

«ЗАМАН» газетге 2026 жылны  биринчи  жарымына  жазылыу башланнганды. Ана тилибизде чыкъгъан жангыз газетибиз сизни керти хапарчыгъыз, огъурлу сёз нёгеригиз болгъанлай къалырына ышанабыз.

Биз газетни бетлеринде республикабызда тамамланнган ишлени юслеринден билдиргенлей турабыз, халкъыбызны тарыхыны, маданият хазнасыны, къууанчларыны бла жарсыуларыны, ниетлерини бла муратларыны юслеринден да дайым жазабыз. Малкъар халкъны  айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.

Сиз халкъыбызны тарыхын, адамларыбызны билим бериуде, саулукъ сакълауда, илмуда, маданиятда, адабиятда, спортда жетишимлерини, саулайда жашауларыны юслеринден, тау эллерибизден да хапар билирге сюе эсегиз, «ЗАМАН» ГАЗЕТГЕ ЖАЗЫЛЫГЪЫЗ. Ол хар юйюрге да огъурлу къонакъ болуп келсин!

Газетге почтаны битеу бёлюмлеринде жазылыргъа боллукъду.  Аны 2026 жылны алты айгъа  багъасы  1130 сом бла 82 капекди.

Изданиябызгъа интернетде бу адресни https://podpiska.pochta.ru/press/%D0%9F5893   ачып, ол магъаналы жумушну алай тамамларгъа да боллукъду.

 Бизни индексибиз П 5893.

  «Заманны» редколлегиясы.