Эл мюлкден билдириуле

Мирзеулюк нартюхню оруу башланнганды

Май районда аграр бёлюмде уруннганла бу кюнледе мирзеулюк нартюхню оруп тебирегендиле. Быйыл ол анда беш мингден аз аслам гектарда ёседи, кеси да былтырдан беш процентге кёпдю. Эллиле шёндюге дери нартюхню 400 гектарда оруп чыкъгъандыла, аны орта тирликлилиги 60-70 центнер болгъанды. Тергеулеге кёре, сора агротехника жумушла заманында эмда толусунлай этилгенлери себепли быйылгъы тирлик озгъан жылныкъындан аз болмазлыгъын сакълайдыла эллиле. Ишни уа бу айны ахыр кюнлеринде тамам этип бошаргъа таукелдиле. Аны бла бирге сабанланы кюзлюклени себерге хазырлап да башлагъандыла.

Ёсюм эсленеди

Быйыл августну ахырына дери Къабарты-Малкъарда эл мюлк товарла чыгъарыучула 42,6 миллиард сом багъасына проекция жарашдыргъандыла. Шимал-Кавказстатны тергеулерине кёре, озгъан жылны ол кезиую бла тенглешдиргенде, ёсюм кёп къалмай беш процентге жетгенди.

Малчылыкъ бёлюмде быйыл сегиз айны ичинде сау ауурлукъда тууар эмда тауукъ этден 10,5 процентге аслам жарашдырылгъанды, дагъыда 0,5 процентге кёп сют сауулгъанды эмда 1,4 процентге артыкъ жумуртха берилгенди. Битимчиликде уа шёндю къазауат кезиуюдю – тирлик жыйыу эмда кюзлюклени урлукъларын себиу барады.