Россейлиле – биринчиле

Россейли окъуучула хауа болумланы тюрленнгенлери эмда экологиялы жарсыула бла байламлы халкъла аралы олимпиадада алтын майдалгъа тийишли болгъандыла. Школчуланы къаууму командалы эсепде биринчи жерге чыкъгъаны бла аланы РФ-ни  жарыкъландырыу министри Сергей Кравцов алгъышлагъанды.

Энчи эсеплени юслеринден айтханда уа, россейли окъуучула эки «алтын», анча да «доммакъ» эмда бир «кюмюш» алгъандыла. Ишексиз хорламны болдургъаннга уа Уфадан София Салангина саналгъанды. Андан сора да,  «алтыннга» Эмилия Гимаева тийишли болгъанды. Никита Юнисов а – «кюмюшге». Доммакъ майдалла бла уа Милена Иванова бла Полина  Егорова саугъаланнгандыла.
Команда эсепде экинчи жерге  Индияны окъуучулары чыкъгъандыла, ючюнчю орунну уа Катарны бла Джибути Республиканы келечилери юлешгендиле. Школчуланы  саугъалау а Сириус федерал тийреде къуралгъанды.