Къабарты-Малкъар Республиканы Башчысы К.В. Коковну Республиканы кюню бла алгъышлауу

Къабарты-Малкъар Республиканы 
Башчысы К.В. Коковну Республиканы кюню бла
А л гъ ы ш л а у у

Багъалы жерлешлерим!

Сизни Къабарты-Малкъар Республиканы Къыраллыгъыны кюню бла алгъышлайма!

Бу байрам Къабарты-Малкъарны Россейни къурамында къыраллыкъны алгъан кезиуюнден башлап саулай жолун белгилейди. Ол бизни кёп миллетли халкъыбызны битеулю къадарын, аны экономикалы, социал эмда культуралы айныуунда, кесини тин эмда акъыл хазнасын кючлендириуде жетишимлериди эмда махтаулугъуду.

Бизге дери битеу да тёлюлени жетишимлерин эсде тутабыз, аланы аскер хорламлары эмда урунуу жетишимлери бла ёхтемленебиз, бюгюнлюкде кесини иши, билими эмда фахмусу бла республиканы жашау турмушун кёбейтген, аны даражалы келир заманын къурагъан хар кимге да ыразыбыз. 

Энчи ыразылыкъ сёзле уа энчи аскер операцияны ал сатырларында кеслерини борчларын толтургъан аскерчилерибизгедиле, Россейни къоркъуусузлугъун эмда эркинлигин батыр къоруулагъанлагъадыла. 

Заманны къыйын кезиулерине къарамай, биз кесибизни аллыбызда айныуну уллу борчларын салабыз эмда аланы тамамлайбыз, алгъа барабыз эмда атламдан -атламгъа жангы бийиклеге жетебиз. 

Ийнанама, бирликде бла бирлешликде биз къыйынлыкъланы хорларыкъбыз, туугъан Къабарты-Малкъарыбызны эмда бизни деменгили Ата журтубузну сау-саламатлыкълары эмда жашнаулары ючюн салыннган муратлагъа жетерикбиз. 

Саулай жюрегимден сизге саулукъ, мамырлыкъ, игилик эмда монглукъ тилейме.