Жарау этерге сюйгенлеге – битеу онгла

Сентябрьде Кенжеде «Вымпел» спорт ара ачыллыкъды, деп билдириледи республиканы Спорт министерствосуну телеграмында.

Къабарты-Малкъарны Башчысы Казбек Коков белгилегенича, ол спортну айнытыугъа эмда чемпионланы жангы тёлюлерин хазырлаугъа уллу къошумчулукъ этерикди. «Пять колец» академияда мингнге жууукъ адам тутушуу, тхэквондо, гимнастика, бокс, футбол бла кюрешедиле. Бу комплекс а алагъа бютюн кёп онгла берликди, анда аслам зал, футбол майдан, спорт медицинаны арасы, юйрениу-жарау этиу жыйылыуланы бардырырча жерле да боллукъдула.

Мекямны къурулушу бизнесни бла регионну болушлукълары бла тамамланылады, «Вымпелде» бек уллу эмда бек даражалы эришиулени бардырыргъа боллукъду.