Низам тюрленнгенди

Быйыл 1 сентябрьде РФ-ни Правительствосу 2025 жылда 24 мартда къабыл кёрген «Сабийни юйюрге  алып ёсдюрген  ишчиге солуу кезиу бериуню юсюнден» 351-чи номерли бегими кючюне киреди. Алай бла инсанланы бу къауумуна солуу кезиу бериуню низамы жангыртылгъанды.

КъМР-ни прокуратурасындан бизге ангылатханларыча, инсан сабийни юйюрюне ёсдюрюрге алгъан кюнден башлап, балагъа 70 кюн толгъунчу ишден солуу кезиу излерге эркинди. Эки баланы алгъанда уа, бу заман 110 кюннге дери созулады. Керек болгъанда уа сабийге юч жыл толгъунчу ишден солуу   алыргъа боллукъду.

Алай бла иш бериучюге солуу алыргъа сюйгенин, аны узунлугъун белгилеп, тилек жазаргъа керекди. Аны бла бирге сабийни туугъанына шагъатлыкъ къагъытны копиясын, сюдню сабий осуйлукъгъа берилгенини юсюнден оноуну да кёргюзтюрге тюшерикди.

Сабийни кесине ата, ана да жаздырсала, солуу аладан бирине бериледи. Аны кеслери сайлайдыла. Алагъа тиширыу сабийден ауругъанда эм бала туугъанда тохташдырылгъан тёлеуле толусунлай бериледиле.

Юйюр сабийни алып ёсдюргенин билгенле, ата-анадан сормай, бу жашырынлыкъны ачыкъ этселе, уголовный жууапха тартыллыкълары да жазылгъанды законда.