Солууда жорукъланы бузгъанлагъа – тазирле

Россейни Къырал Думасында туризмде законодательствону бузгъанлагъа тазир тёлетиуню юсюнден закон къабыл кёрюлгенди.

Алай бла инструктор-проводник барыргъа тийишли жерлени кеслери баргъанла тазир быллай ёлчемледе салынырыкъды:

- инсанлагъа – 20-40 минг;

- къуллукъчулагъа – 70-100 минг;

- юридический лицолагъа – 100-150 минг.

Законну къайтарып бузгъанла кёбейтилген тазир тёлерикдиле: инсанла – 50-70 минг, къуллукъчула – 100-150 м инг, юридический лицола – 150-200 минг.

Аттестацияны ётмеген экскурсоводланы бла гидлени ишле алгъанла да тазирсиз къутулаллыкъ тюйюлдюле, гидле кеслери да туристле бла жолгъа чыгъардан алгъа тийишли органлагъа билдириу жиберирге керекдиле, артха къайтханларын да айтыргъа тийишлидиле. Туристлени Къырал тизмеге кирмеген къонакъ юйледе сыйындыргъанла да тазир тёлерикдиле. Интернетде къонакъ юйлени юслеринден информацияны идентификация тарихсиз жазгъанла административ жууаплылыкъгъа тартыллыкъдыла. Алгъа алагъа эсгертиу этилирге боллукъду, бузукълукъ къайтарылса, тазир салынырыкъды, деп билдириледи республиканы Курортла эм туризм министерствосуну телеграм-каналында.