Юйюрню сейирлерин къоруулар муратда

РФ-ни Аманлыкъчыланы терсликлерине жолукъдуруу федерал службасыны КъМР-де  Управлениясыны учрежденияларында Юйюрню сейирлерин къоруулау жаны бла право болушлукъну битеуроссей ыйыгъы бардырылады. Ол юйюрню къоруулаугъа бурулгъан законланы ангылатыр,  юридический болушлукъну кенгертир эм юйюр тёрелени жаяр  мурат бла къуралгъанды, деп билдиргендиле бизге УФСИН-ни пресс-службасындан.

   Колониялада тутулгъанла бла ангылатыу жумушла къуралгъандыла, алагъа юйюрню сейирлери жаны бла гарантияла билдирилгендиле. Сёз «РФ-де пробацияны юсюнден» федерал законну, аны хайырындан жууапха тартылгъанлагъа этилген болушлукъну юсюнден да баргъанды.

 Тутулуп тургъанланы жууукъларыны тилеклерине бла тарыгъыуларына да тынгылагъандыла. Ыйыкъны жумушларыны чеклеринде «ачыкъ эшиклени» кюнюн къураргъа да белгиленеди.