Токну багъасына къошулгъанды

14 января, 2019 - 09:15

Бу айны биринчисинден башлап Къабарты-Малкъарда ток ючюн тарифле тюрленнгендиле. Каббалкэнергодан билдиргенлерине кёре, ол багъалагъа къошулгъаннга салыннган налог (НДС) 18 процентден 20 процентге кётюрюлгени бла байламлыды.
Алай бла энди шахар тийреледе жашагъанла, кеслери да юйлеринде газ печьлери болгъанла эмда бу категориягъа тенглешдирилгенле бир киловатт ючюн 3,75 сом тёлерикдиле (ёсюм - 1,6 процент).
Шахарлада жашагъанла, ол санда юйлеринде ток печьлери болгъанла, сора дагъыда элледе, дачалада, терек бахчачылыкъ эмда башха (коммерциялы болмагъан) биригиуледе тургъанла уа бир киловатт ючюн 2,62 сом берликдиле (мында да ёсюм 1,6 процентди).

 

Улбашланы Мурат.
  • 33 просмотра
Поделиться: