Жууапдан къутулмазына тюшюндюре

9 июля, 2025 - 13:38

Россейни Сюд приставларыны федерал службасыны КъМР-де Управлениясыны Черек районда бёлюмюню къуллукъчулары сабийини кереклерине ахча тёлемегени ючюн эр кишиге терслеу материалла ачхандыла. Борч 400 минг сомгъа жетгенди.

 Ведомствону пресс-службасындан бизге билдиргенлерича, сабийни эркинликлерин сакълар мурат бла мадарла толтурулгъандыла. Ол санда тыш къыралгъа барыргъа эркинликлерине чекле кийирилгендиле, банкда ахчасы изленнгенди. Алай эр киши аланы сансыз къойгъанды.

Ол заманда приставла инсанны машинаны жюрютюрге эркинликлерине чекле салгъандыла. Аны иши уа машинаны жюрютюу бла байламлы болгъанды. Жаланда ол кезиуде ангылагъанды жууапдан къачалмазлыгъын.

Сюд приставланы къайгъырыулукъларыны хайырындан сабийни эркинликлери сакъланнгандыла. Эр киши борчну толусунлай тёлегенди.

 

Тикаланы Фатима.
  • 15 просмотров
Поделиться: