Хыйла бла иги кесек ахча къымгъанды

КъМР-ни прокуратурасы Лескен райондан 49-жыллыкъ тиширыугъа ачылгъан уголовный ишни къабыл кёргенди. Ол, кесини къуллугъун хайырланып, хыйлалыкъ этгени ючюн терсленеди (РФ-ни УК-сыны 159-чу статьясыны 4-чю кесеги).

Надзор ведомстводан бизге билдиргенлерича, ишекли коммерциялы организациягъа таматалыкъ этгенди. Ол, къуллугъун хайырланып, «КъМР-де гитче эм орталыкъ бизнесни субъектлерине микрокредит фонд» займ халда берген 1,5 миллион сомну урлагъанды. 

  Уголовный иш Нальчикни сюдюню къараууна берилгенди. Законда жазылгъаныча, быллай аманлыкъ этгенни эркинлиги он жылгъа дери сыйырылыргъа боллукъду.