УФСБ: Законсуз ишде болушургъа айтхандыла

19 июня, 2025 - 10:30

Россейни ФСБ-сыны КъМР-де Управлениясыны келечилери  излеу-тинтиу жумушла бардыргъан кезиуде республиканы эки инсаныны аманлыкъчы ишлерин тохтатхандыла. Ала хыйлалыкъ этерге кюрешгенлерине ишеклик барды.

УФСБ-ны пресс-службасындан бизге билдиргенлерича, ала Нальчикде предпринимательледен бирине налогну тёлемей, жыйылгъан борчну кетерирге болушургъа айтхандыла.

РФ-ни СК-сыны КъМР-де следствие управлениясы бу иш бла байламлы РФ-ни УК-сыны 30-чу статьясыны 3-чю кесегине, 159-чу статьясыны 4-чю кесегине кёре терслеу материалла ачхандыла. Законлагъа кёре, быллай бузукълукъ этгенни эркинлиги он жылгъа дери сыйырылыргъа боллукъду.

Тикаланы Фатима хазырлагъанды.
  • 22 просмотра
Поделиться: